14. fundur
fjárlaganefndar á 145. löggjafarþingi
haldinn í Austurstræti 8-10, fimmtudaginn 29. október 2015 kl. 13:00

Mættir:

Vigdís Hauksdóttir (VigH) formaður, kl. 13:00
Guðlaugur Þór Þórðarson (GÞÞ) 1. varaformaður, kl. 13:00
Ásmundur Einar Daðason (ÁsmD), kl. 14:09
Birgitta Jónsdóttir (BirgJ) fyrir Ástu Guðrúnu Helgadóttur (ÁstaH), kl. 13:00
Bjarkey Olsen Gunnarsdóttir (BjG), kl. 13:00
Björgvin G. Sigurðsson (BjörgvS) fyrir Oddnýju G. Harðardóttur (OH), kl. 13:00
Fjóla Hrund Björnsdóttir (FHB) fyrir Pál Jóhann Pálsson (PJP), kl. 13:00
Preben Jón Pétursson (PrP) fyrir Brynhildi Pétursdóttur (BP), kl. 13:00
Valgerður Gunnarsdóttir (ValG), kl. 13:00

Fjóla Hrund Björnsdóttir vék af fundi kl. 15:00 og Birgitta Jónsdóttir kl. 15:50. Haraldur Benediktsson var fjarverandi.

Nefndarritarar:
Jón Magnússon
Ólafur Elfar Sigurðsson

Bókað:

Á fund nefndarinnar komu frá Ríkisendurskoðun Sveinn Arason, Kristín Kalmannsdóttir og Elísabet Stefánsdóttir. Rætt var um skýrslu Ríkisendurskoðunar Ríkisábyrgðir og endurlán ríkissjóðs sem kom út nú í október, einkum þann hluta hennar er lýtur að Vaðlaheiðargöngum hf.

Til fundar við nefndina komu Eyþór Arnalds, Guðrún Ögmundsdóttir og Svanbjörn Thoroddsen. Mennta-og menningarmálaráðherra skipaði 7. maí 2015 nefnd til þess að greina þróun á starfsemi Ríkisútvarpsins ohf. frá stofnun félagsins 1. apríl 2007 og afla þar með skýringa á núverandi rekstrarstöðu fyrirtækisins. Gestirnir áttu sæti í nefndinni og lögðu fram og kynntu skýrslu hennar um starfsemi og rekstur RÚV frá árinu 2007.

Ákveðið var að fella niður fund nefndarinnar sem halda átti 30. október vegna útfarar Guðbjarts Hannessonar alþingismanns.

Fundargerð 13. fundar var samþykkt.

Fundi slitið kl. 16:00