Uppbygging og rekstur flugvalla og þjónusta við flugumferð
941. mál á 153. löggjafarþingi.
Innviðaráðherra.
Markmið
Að flugvellir landsins og þjónusta við flugumferð þjóni þörfum samfélagsins á umhverfislega sjálfbæran hátt með skilvirkni, hagkvæmni og öryggi í fyrirrúmi í samræmi við stefnu stjórnvalda í samgöngumálum.Helstu breytingar og nýjungar
Lagt er til að sett verði heildstæð lög um uppbyggingu og rekstur flugvalla á Íslandi og rekstur flugumferðarþjónustu sem leysi af hólmi gildandi lagaumhverfi um starfsemi Isavia ohf. sem nú starfar á grundvelli þrennra laga. Gert er ráð fyrir töluverðri einföldun á regluverki. Þá er í frumvarpinu skotið stoðum undir töku varaflugvallargjalds.Breytingar á lögum og tengd mál
Um er að ræða ný lög og við gildistöku þeirra falla úr gildi lög um stofnun hlutafélags um flugleiðsöguþjónustu og flugvallarekstur Flugmálastjórnar Íslands, nr. 102/2006, lög um stofnun opinbers hlutafélags um rekstur Keflavíkurflugvallar o.fl., nr. 76/2008, og lög um samruna opinberu hlutafélaganna Flugstoða og Keflavíkurflugvallar, nr. 153/2009. Jafnframt verða breytingar á lögum um aukatekjur ríkissjóðs, nr. 88/1991.- Endurflutt: Uppbygging og rekstur flugvalla og þjónusta við flugumferð, 702. mál (samgöngu- og sveitarstjórnarráðherra) á 151. þingi (07.04.2021)